| Fræðslufundir fyrir karlmenn |
|
|
|
Fundirnir verða einu sinni í viku á miðvikudögum kl. 17:30 í 8 vikur, og hefjast 16 sept. Fræðslufundirnir hafa verið á dagskrá einu sinni áður og gáfust vel. Markmiðið er að karlmenn fái uppbyggjandi fræðslu, og hafi gagn og gaman af að hitta aðra í sömu aðstæðum. Farið verður í gegnum það breytingarferli sem einstklingar ganga í gegnum við það að veikjast. Það verða fyrirlestrar um mikilvægi þess að byggja sig upp andlega og líkamlega og mikilvægi þess að setja sér markmið . Fundarstjóri er eins og á fyrra námskeiðinu, Matti Ósvald heilsufræðingur. Þeir fagaðilar sem hafa verið áður verða með nýja fyrirlestra eða nýjar áherslur. Einnig eru nýjir fyrirlesarar. Þeir sem verða með framsögu eru:Helgi Sigurðsson, krabbameinssérfræðingur og prófessor, Högni Óskarsson geðlæknir og markþjálfi, Daníel Reynisson formaður Krafts (félag ungra krabbameinsgreindra), Stefán Hafþór Stefánsson sjúkraþjálfari og Haukur Guðmundsson sjúkraþjálfari og jógakennari. Þá verður slegið á létta strengi og eldað með Ingvari á Salatbarnum. Kaffi og létt meðlæti. 8 vikna fræðslunámskeið kostar kr. 5000,-. (Ljósið reynir að halda öllum kostnaði á Ljósbera í lágmarki, og ef einhver á erfitt með að greiða gjaldið vegna persónulegra aðstæðna þá tökum við tillit til þess). Samhliða fræðslufundunum gefst þér kostur á að skrá sig á 8 vikna jóganámskeið fyrir karlmenn. Það hefst mánudaginn 21 sept kl. 17:30 ef næg þátttaka fæst. |
Viltu styrkja Ljósið
Þú getur lagt inn frjáls framlög á styrktarreikning Ljóssins
Minningarkort
Nú er hægt að kaupa falleg minningarkort í Ljósinu. Sigrún Lára Shanko, listakona og félagi í Ljósinu hannaði og málaði myndina sem er keltneskur kross.
Möndlu / Spírupokar
Erum með til sölu möndlupoka, einnig notað til að spíra í og til að sigta safa
Pokinn kostar 1000 kr
Smelltu á myndina til að fá uppskrift af grænum djús frá Sollu á Gló
Bleik Bjartsýni
Bleik bjartsýni er bútasaumsteppi sem yfir 40 konur saumuðu og gáfu Ljósinu ásamt því gáfu þær kort með mynd af teppinu sem hægt er að kaupa í Ljósinu.
Kortið kostar 350 kr
Málverka hornið
Ljósið er með til sölu málverk eftir tvo listamenn, þá Árna Rúnar og Garðar Jökulsson. Myndirnar hanga uppí Ljósinu til sýnis, einnig er hægt að skoða þær HÉR
Um Ljósið
Ljósið er endurhæfingar- og stuðningsmiðstöð fyrir fólk sem hefur fengið krabbamein / blóðsjúkdóma og aðstandendur þeirra. Markmið Ljóssins er að efla lífsgæðin með því að styrkja andlegan, félagslegan og líkamlegan þrótt og draga þannig úr hliðarverkunum sem sjúkdómurinn getur haft í för með sér.Lesa meira
Ljósablaðið
Hreyfing styrkir Ljósið
Undanfarin ár hefur Ljósið
verið að efla líkamlega
endurhæfingu með því t.d. að vera í samvinnu við Hreyfingu,
Álfheimum. Sjá nánar hér
Viðtal
Útvarpviðtöl við Ernu og Matta Ósvald heilsuráðgjafa á Rás 1 og Rás 2 vegna fræðslufunda fyrir karlmenn í Ljósinu. Smelltu hér til að hlustaViltu lækka eldsneytisverðið?
Við höfum nú gert samning við Skeljung þar sem þeir gefa ykkur 3 krónur í afslátt af hverjum lítra en Ljósið fær 2 krónur til að safna fyrir varanlegu húsnæði. Lyklarnir eru hérna hjá okkur í Ljósinu svo endilega komið og sækið ykkur lykla. Má einnig taka fyrir alla fjölskylduna og vini. Því fleiri lyklar sem fara út, því meiri notkun og við söfnum fljótt og vel fyrir húsinu okkar og allir græða.
Ljósið er 5 ára þetta árið og því tilvalið að stuðla að framtíðaröryggi svo það komi til með að lifa a.m.k næstu 100 árin. Endilega sendið áfram á þá sem þið þekkið og vilja styrkja gott málefni.
En ath það þarf að sækja lyklana hingað því þeir eru forritaðir fyrir Ljósið. Þeir eru ekki tengdir debet eða kreditkorti heldur notaðir áður en kortið er sett í.
